تم نے تو کہہ دیا کہ محبت نہیں ‌ملی

 

تم نے تو کہہ دیا کہ محبت نہیں ‌ملی

 تم نے تو کہہ دیا کہ محبت نہیں ‌ملی
مجھ کو تو یہ بھی کہنے کی مہلت نہیں ‌ملی

نیندوں کے دیس جاتے کوئ خواب دیکھتے
لیکن دیا جلانے کی فرصت نہیں ملی

تجھ کو تو خیر شہر کے لوگوں کا خوف تھا
اور مجھ کو میرے گھر سے اجازت نہیں ملی

پھر اختلاف رائے کی صورت نکل پڑی
اپنی یہاں کسی سے بھی عادت نہیں ملی

بے زار یوں ہوئے کہ تیرے عہد میں ہمیں
سب کچھ ملا سکون کی دولت نہیں ملی

 

نوشی گیلانی