غلطی ہو گئی

آج کل ایک انٹرویو کے بڑے چرچے ہیں۔ یہ انٹرویو وفاقی وزارت تعلیم کے تحت لیکچرار کی اسامی کے لئے تھا۔ روایت کے مطابق ایک نوجوان امیدوار نے بھی اپنی سفارش لگوائی۔ انٹرویو بورڈ کے چیئرمین تک یہ سفارش کی گئی اور انٹرویو کے موقع پر انہوں نے اس نوجوان سے خود ہی سوال کرنے کا فیصلہ کیا۔ ان کا خیال تھا آسان سے سوال کروں گا نوجوان جواب دے دے گا میں اس کو پاس کر دوں گا۔ اب ان آسان سوالوں کے جوابات ملاحظہ ہوں :
” پاکستان کی آبادی کیا ہے ؟ “
” 20 کروڑ “۔
” اچھا یہ بتایئے پاکستان بنے ہوئے کتنے سال ہو گئے ؟ “
” جناب 79 سال “۔
” کیا آپ بتا سکتے ہیں ڈالر کتنے روپے کا ہے آجکل ؟ “
جی 80 روپے “۔
” اوہ ۔ اچھا ایک لیٹر پیٹرول کتنے کا ہوتا ہے ؟ “
” جناب 78 روپے کا “۔
چیئرمین صاحب پریشان ہو گئے ایک سوال کا جواب بھی صحیح نہیں آ رہا تھا۔ انہوں نے اپنی دانست میں اور آسان سوال کیا کہ وہ صحیح جواب دے دے اور ان کو اس کو پاس کرنے کا بہانہ مل جائے۔
انہوں نے سوال کیا۔
” اچھا یہ بتایئے ہمارے صدر پرویز مشرف کی عمر کیا ہے ؟ “
” 85 سال “۔
” مگر وہ تو کافی اسمارٹ نظر آتے ہیں ؟ “
” جی ہاں جناب اقتدار چیز ہی ایسی ہے “۔
” تو اچھا محترمہ بے نظیر کی عمر کیا ہو گی ؟ “
” 68 سال ! “
” ارے بھئی وہ تو اپنی عمر کم بتاتی ہیں ۔“
” جناب آخر کو محترمہ خاتون ہیں ۔“
” چلئے نواز شریف صاحب کی عمر بتا دیجئے ۔“
” 76 سال ! “
” ارے بھئی وہ تو ماشاء اللہ خاصے فریش ہیں ۔“
” جناب یہ کشمیری کھابوں کے اثرات ہیں ماشاء اللہ ۔“
چیئرمین صاحب نروس ہو رہے تھے۔ انٹرویو بورڈ کے ممبران زیر لب مسکرا رہے تھے۔ آخر چیئرمین صاحب نے ایک سوال سوچا کہ جس کا صحیح جواب ملنے کی ان کو سو فیصد امید تھی۔ انہوں نے پوچھا۔
” یہ بتایئے کرکٹ کے ایک اوور میں کتنی گیندیں ہوتی ہیں ۔ “
” گیند تو ایک ہی ہوتی ہے جناب “
” ہمارا مطلب ہے ایک اوور میں کتنی گیندیں کرائی جاتی ہیں ؟ “
” جی جناب ۔ 8 گیندیں “
” اوہ ۔ چیئرمین صاحب نے ماتھے پر رومال رکھا اور بولے۔ ” ایک سنچری میں کتنے رن ہوتے ہیں ؟ “
” یہ تو چوکوں اور چھکوں پر منحصر ہے “
” ہمارا مطلب ہے کہ ایک سنچری کتنے رنز کی ہوتی ہے ؟ “
” 125 رنز جناب ! “
” چیئرمین غصے اور مایوسی کی کیفیات کا شکار ہو رہے تھے۔ سفارش بہت بڑی تھی اور شفافیت کا بھی رکھنا ضروری تھا اس لئے انہوں نے نوجوان کی طرف بے بسی سے دیکھا اور سوال کیا۔
” ایک فٹ میں کتنے انچ ہوتے ہیں ؟ “
نوجوان مسکرایا اور بولا۔
” سولہ انچ جناب “
چیئرمین صاحب نے ہتھیار ڈال دیئے اور بولے۔
” نوجوان کیا بات ہے آپ کے فگرز میں اس قدر اضافی صورتحال کیوں ہے۔ آپ ہر چیز ہر بات کے بارے میں غلط اعداد و شمار دے رہے ہیں اس کی وجہ کیا ہے۔ کیا آپ کی ناقص معلومات ؟ “
نوجوان نے اطمینان سے جواب دیا۔
” جناب یہ وزارت تعلیم کا انٹرویو ہے۔ وفاقی وزیر تعلیم جناب جاوید اشرف قاضی 25 فیصد اضافے کے ساتھ بات کرتے ہیں۔ میں سمجھتا ہوں کہ محکمہ تعلیم کی پالیسی یہی ہے کہ ہر چیز کو 25 فیصد بڑھا کر پیش کرو چنانچہ میں نے ہر بات میں 25 فیصد اضافہ کر دیا ۔ “
چیئرمین صاحب نے بحث کرتے ہوئے کہا۔
” مثلاً وفاقی وزیر تعلیم نے کس چیز کو 25 فیصد بڑھایا ہے ؟ “
نوجوان نے کہا۔
” آپ نے ان کا ٹی وی انٹرویو سنا تھا جس میں انہوں نے قرآن مجید کے 40 پارے بتائے تھے۔ “
چیئرمین صاحب نے کہا۔
” اوہو نوجوان۔ اس پر تو وزیر نے معافی مانگ لی تھی کہ غلطی ہو گئی۔ آپ نے پڑھا نہیں کہیں کہ انہوں نے کہا غلطی ہو گئی ۔ “
نوجوان کا رنگ پیلا پڑ گیا۔ پھر وہ سنبھل کر بولا۔
” جناب پھر مجھ سے بھی غلطی ہو گئی۔ “
چیئرمین صاحب مسکرا دیئے اور بولے۔ آپ اس محکمے کے لئے بالکل فٹ ہیں آپ اس وزارت کے سربراہ کے نقش قدم پر چل رہے ہیں۔ آپ کو لیکچرار کی اسامی کے سلیکشن کی مبارکباد!!
 

This entry was posted in Entertainment. Bookmark the permalink.

10 Responses to غلطی ہو گئی

  1. M says:

    سلامصرف تعلیم ہی نہیں ہماری ہر چیز میں یہی حالت ہے۔ کبھی اعداد و شمار دیتے ہوئے ان لوگوں کو دیکھ لیں۔

  2. Tarique says:

    آپ کو عید الاضحٰی اور نیا سال مبارک ہو

  3. Shoiab says:

    Shoiab Safdar:
    pensive-man.co.nr
    خوب!!! دلچسپ تنقید!!! اور درست بھی

  4. Tarique says:

    آپ نے بہت اچھا لکھا ھے

  5. Tarique says:

    اس پر تو ہنسا ہی جا سکتا ہے۔

  6. Tarique says:

    يار کيا بھونڈا لطيفہ اور مذاق ہے يہ؟ ميری تو ہنسی نہیں رک رہی

  7. Tarique says:

    جتنے ديکھے دنيا دارتن چنگا اور من بيماريھ بھی زمانھ ديکھ ليا چور بنے ھيں چوکيدار

  8. Unknown says:

    آپ نے اچھّا لکھا ہے۔
    http://urdudaan.blogspot.com

  9. Unknown says:

    آپ نے اچھّا لکھا ہے۔
    http://urdudaan.blogspot.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s